Dota 2 Tournament Vol. 2

​Энэ жилийн ээлжит Dota2 тэмцээнээ 4-р сарын 2-ны бүтэн сайн өдөрт товлон, тоглогчид болон үзэгчидээ өмнөхөөсөө илүү сонирхолтой, илүү тохилог байлгахаар бэлтгэлээ.

Электрон спорт сонирхогч хүн бүрийн дотор байдаг нэг хүсэл гэвэл сүүлийн үеийн компьютер, хэрэгсэл дээр дуртай тоглоомоо, тэр дундаа найз нөхөдтэйгөө хамтдаа сууж тоглох байдаг байх. Гэхдээ бүр цаашлаад сонирхол нэг хүмүүстэй танилцаж, дуртай кастераараа тоглолтоо тайлбарлуулж, үзэгчдийн өмнө шилэн тайзан дээр тоглож яагаад болохгүй гэж, тийм биздээ?

Үүнээс гадна зохион байгуулагчдийн зүгээс хүрэлцэн ирэх залуусдаа зориулан Чех улсад суралцагч оюутан залуучуудын холбооны танилцуулга болон их дээд сургуулиудын талаарх мэдээлэл солилцох өдөрлөгийг бэлдэж байна. Өдөрлөгийн үеэр залуус олон төрлийн ширээний болон хөлөгт тоглоомуудыг ямар нэг нэмэлт үнэ төлбөргүйгээр тоглон найз нөхөдтэйгөө цагийг зугаатай өнгөрүүлэх боломжтой.

Тун удахгүй уулзъя! 👌🏽